Espainiako etxebizitza-teilatuen % 5ek soilik dute autokontsumorako eguzki-instalazio fotoboltaikoa; Alemanian edo Herbehereetan, aldiz, % 20tik gorako zifrak dituzte. Gainera, gure herrialdeko instalazioen % 1 baino gutxiago kolektiboak dira.
Autokontsumoaren aldeko Aliantzak Diputatuen Kongresuan antolatutako “Autokontsumoaren oraina eta etorkizuna” jardunaldian azaleratu diren bi datu dira. Ekitaldian PSOEko, PPko, Sumarreko eta Esquerra Republicana de Catalunyako diputatuek parte hartu dute, baita Fundación Renovablesek, Som Energía bezalako kooperatibek eta Unión Española Fotovoltaica edo Asociación de Municipios y Entidades por la Energía Pública bezalako enpresa-elkarteek ere.
